Saturday, January 27, 2007
خير اللهم اجعله خير...






أنا بقرة






خير اللهم اجعله خير...


 


 


 


من
كام يوم كدة حلمت حلم غريب أوى........استنو لمل أحكيهولكو



قال ايه بيتنا بقى مسكون بالعفاريت و كلهم لابسين عبيات سودة.....


آه
صحيح مهم عفاريت أكيد مش هيلبسو ترنجات أديداس يعنى..


 



العفاريت ولاد العفاريت حولوا خواتى لكيس زبالة سوده



 وعلب صفيح معفنة شبه علب التونة



...مش عارف ليه كانوا بيتنططوا كدة زى ما يكونوا



 فرحنين انهم كياس زبالة .......!


 



لاقيت أختى بتحطلى عمل فى الصباع الصغير



بتاع الشراب البرتقالى بتاعى


و
بكل ثقه لبست الشراب البرتقالى حبيبىو روحت لابس الجزمه العجيبة



بتاعتة مقاس 48 و روحت نازل متوجه الى القاهرة مش عارف ليه


 



روحت القاهرة مش عارف ليه ، و أعدت أتمشى فى المنيل..........



هوب روحت وائع فى بلاعة مافيهاش مية زىالبير الى وقع فيه



أحمد الفشاوى فى الحاسة السابعة...


 



الغريب ان الخندق بقى كان شكله  مش غريب عليا........



غالبا شفته فى لعبة بيبسى مان.....



المهم خندق ضلمة وكتمه و زبالة و أرضيته مليانه بزجاجات براندى عاى ستلا


و
فودكا .......


 



الغريبه أن سويرس وصل لأحلامى وعمل اعلان درنكز فى الخندق



فجأة قررت انى  ابص فى الزبالة اللى تحتييا لقيت البايب بتاعى مكسور


و
فيه بايب تانى شفاف مكسور برضه...


 


 



لقيت أمامى اذ فجأة كدة باب شقتنا فى أخر الخندق محوق و مرمى على الارض



فدخلت الشقة كانت ضلمة أوى مش عارف



اذا كان البيت راخر محروق ولا لأ



علشان كان فيه منظر تانى أغرب............


 



أمبنة رزق كانت ماسكة ورقة فى ايدها و العفاريت بيلفوا حواليها........



دققت فى الورقة كويس....



اكتشفت انها رسمة عين كنت رسمها ليها قصة كده


فى
اللحظة ديه امينة رزق حرقت الورقة و فضلت تضحك بسخريه هيه و العفاريت...



صحيت من النوم مفزوع لقيت نفسى نايم على الكنبة فى الصالة



قولت مش مشكلة الظاهر أنى متغطش كويس....


 


و
قررت انى ماحكيش الحلم لحد لا يفتكر انه فليم التعويزة بعد معالجته الدراميه



الجديدة اللى من وحى خيالى الخصب و يقول علييا فششار......نيهع نيهع نيهع


 



شلت الغطا من على رجلى لقيت نفسى لابس الشراب البرتقالى....



خوفت بصراحة.....


 



لكن سرعان ما قررت انى ادور على البايب اللى بطلت أستخدمه من سنة تقريبا.....


 



لقيتة فى درج المكتب مكسور بنفس الشكل



اتفزعت بس هديت أعصابى و قلت ده أكيد ديجافو........


 



بعديها رحت أدور على الرسمه فى أوراقى ملقتهاش.......



قلت أكيد منطوره هنا ولا هناك...لكن مش عارف ايه اللى خللانى أمسك الموبايل


و
أدور على رقم صاحبت العين اللى كانت فى الرسمه


 



لقيتها مش موجودة....حاولت أفتكرها ما قدرتش


مع
اننى ما بنساش أصلا...!


 



قولت بس أكيد ديه رسالة معناها أنى ما فكرش فى البنت ديه تانى


 



أصل أنا زمان دعيت فى ليلة القدر لربنا أنى أتجوزها........


و
لو ما ينفعش يبقى يخلينى أنساها...


 



الظاهر أن الدعوه ما اتقبلتش..



علشان لا نسيتها و حصل أى تغير


كل
واحدة ارتبط بيها أو حتى عجبتنى بعديها كانت يا شبهها يا فيها حاجة منها..


ما
عدا واحده بس....


 



المهم أن حتى الحلم دة ما منعنيش


ده
خلانى رجعت أفكر فيها جبت تليفونها من أجندة أولى كليه



لقيت الرقم اتغير......


 



اتلخبط يومين كدة افتكرت سارة



وقولت مش يمكن سارة هى الاصل زى ما قالت...


 



المهم كببرت فى الاخر و قلت الهبل



اللى بيحصل دة أكيد بسبب أنى بقالى  ما صحيتش مكوبس.....نيهع نيهع نيهع


 



الشئ الغريب أنى قبل الكابوس دة كانت حالتى النفسيه اسواء من صناديق أونكس اللى عند
حلقة السمك


و
المادية و الصحية باختصار زى خيل الحكومة اللى بيتمنى ينضرب بالرصاص على انه يشيل
زبالة.......!!


 



فجأة الدنيا اتعدلت عدلة غير عادية


و
حصلتلى طفرة نوعية و ادرت ما افكرش فيها........


 



أدرت أنى أحس فى الدنيا ببهبجة منغير ما اشوف ابتسامتها....



أدرت أغير البن كود بتاع موبايلى و ميبأش اسمها


كل
العادات اللى ما انكسرتش من اربع سنيين....



يـــــــــــــــــــــــاه...!!


 



ومن ساعتها و أنا كل يوم أنام منغير غطا و أتعشى قبل ما انام على طول


و
محافظ على كل شروط الكابوس....


بس
للأسف المرة ده الكابوس جالى و أنا صاحى.........


 



جالى دور برد ...!!


 


 


 


 


 


 


 





 
posted by 3amr at 8:04 PM ¤ Permalink ¤ 1 comments






أنا بقرة






شعورت ببهجتV
1.1.0.3
®



 



-1-



أول ما دخلت أولى ابتدائى كان حصلت حدث غريب شوية بس ممكن
تستوعيبوه معايا

ماشى.....!!



جيت أوليوم المدرسة ببدله بدل السالوبت و سارة كمان



جت المدرسة بفستان بمبى بدل المريلة البامبى..



 



المهم بقى أطفال الفصل المتأثرين بالمسلسلات العربى قالوا
أناالعريس و سارة العروسه



وجه عييل آل ايه مأزون و جوزنا....



شلت سارة قبل الطابورو روحنا الفصل بس كده......!!



علشان المسلسلات ما كنتش بتجيب أكتر من كدة



 



و من اليوم ده بتعامل معاها و مع الناس على أساس أنها المدام



فى يوم كانت سارة لونها مخطوف كده و شكلها تعبانة فا مش فاكر
ميين قاللى سارة حامل



 



المهم كان فيه عيل رخم كده وظيفته فى الدنيا ضرب البنات



ساره ماشيه مروحه راح كريم بمنتهى التلقائية ضربها شللوط وقعها
على وشها فى الارض



 



فألعبد لله بمنتهى التلقائية قام رزعه علقة متينة



المدرسة ضربتنى و قالتلى ليه كدة



رديت:"علشان ضرب سارة"



                             المدرسة:"وهوا اى ولد يضرب اى بنت
تضربه كدة"



                        رديت:"لأ طبعا بس سارة مراتى و كمان
حامل"



 



طبعا كلمة زى ديه قوومت الدنيا و سارة اتنقلت من المدرسه



و بهدلة جامدة كدة



و من يومها ما شفتش ساره......!!



 



 



-2-



مأنتخ انا و واحد من الشباب فى عربية واحد صاحبنا و قاعد اغلس
عليه وهوا مش فايقلى



سألتو سؤال غريب فتح حلقة حوار...



أنا:"لو قابلتنى كمان عشرين سنة فى فرنسا فى الشارع و انت نازل
تجيب جبنة "



هو:"كمان 20 سنة أكيد مش أنا اللى هنزل أجيب جبنة بنفسى"



أنا:"مش لازم جبنة يعنى يا اهبل ممكن سجاير"



هو:"أنا ما بشربش سجاير فا مش هنتقابل"



أنا:"شكلك ناوى تزاولنى كده"



هو:"لأ والله بس قول كلام منطقى يعنى"



أنا:" ماشى عم, اتقابلنا كمان 20 سنة فى مؤتمرفلى الامم
المتحدة"



هو:" آه كدة ممكن"



أنا:"هتعمل أيه.............!!"



هو:"يعنى أكيد حسب الظروف"



أنا:" ازاى يعنى.....<ايموشن تعجب>...."



هو:"يعنى لو كونت عيلة و كدة أكيد هنزور بعض و كدة



 لكن لو أنت لسه ما اتجوزتش وأنا عارفك مجنون و تعملها



ما ينفعش أدخلك بيتى"



أنا:" يا عم كل ده ما يهمنيش , اللى يهمنى هتفتكر الأعده دية



و هتفتكر الموقف اللى لسه حاصل من شوية،اننا اكلنا مع بعض
بلوبيف الكلاب.....................؟!"




........................................................................................................



 



 



-3-



 



أكيد غريبه أوى أننى أسأل سؤال زى ده فى وقت زى ده.............



 أو مش غريبه



 



بس أنا كان عندى سبب غريب بصراحه



 



أنا شفت سارة......!!



فى معرض فن تشكيلى فى ديجا اللى فى سموحة



 



أنأ:" سارة<ايموشن دهشة>"



سارة:"مش ممكن<ايموشن دهشة>"



أنا"لا ممكن .........."



دقيقة كاملة من التبليم التام



تبعتها دقيقة ونصف من الضحك الهستيرى



 



سارة:"فاكر"



أنا"فاكرة"



 




أنا&سارة:"يـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاه"



 



 



 



أتكلمنا شويه كلام ملوش اى اهميه عن الدراسه و العيشه كننا
فارحنيين أوى



ساعتها حسيت ان الزكريا أحلى حاجة فى الدنيا حلوة أو وحشة



بس أكيد أى زكريا مهما ان كان شكلها بعد 20 سنه هتبقى مش بس
حلوة...



احساس مستحيل يتوصف



 



 



سارة:"اية يا عم انت رحت فين انت لسة سهتان زى ما انت"



أنا:" محظوظ اللى يحتفظ بشى من الطوفولة<ايموشن ابتسامة خفيفة>"



سارة:"و أنا احتفظت بايه بقى"



أنا:" عنيكى الحلوى و النغازات اللى بتبان لما تبتسمى"



سارة:"ميرسى ميرسى<اموشن ابتسامة>.........



انت لسة بترسم "



أنا:"طبعا بس تطورت جدا.....تعرفى أنك شبه أول بنت حبتها



سارة:"أكيد هيه اللى شبهى.........يا ابنى القديمة تحلى"



أنا&سارة:"هاهاهاهاهاهاهاهاهاهاهاهاهاهاه"



أنا:"سلام بقى يا سارة"



سارة:"ولا هات نمرت موبايلك.....<ايمشن انجز>"



أنا:"<ايموشن ابتسامه> لأ أكيد لمل نتقابل تانى هنفتكر
النهاردة"



 



خرجت من المعرض و انا مش مصدق



"بيييييييييييييييييب فتتح يا حيوان كنت هتودينا فى دهية"



 



انت كمان بتضحك و فرحان...<ايموشن غيظ>



 



 



ممكن تكون ديه أحلى حاجه فى الدنيا بالنسبة لييا



 



ممكن تكون شايفها تافه جدا



مش ده المهم



المهم انك تدور على احلى حاجة فى الدنيا و تحطها نصب عينيك



 



بدال ما تعكنن على
نفسك..!





Labels:

 
posted by 3amr at 4:14 PM ¤ Permalink ¤ 0 comments
Thursday, January 25, 2007
شعورت ببهجت...






شعورت ببهجت...





لقن فؤادك حيث شئت من الهوا.........ان شاء الله هيجيلك روماتزم
فى القلب





أنا مش عارف ايه هيه بصراحة احلى حاجة فى الدنيا



لكن متأكد ان الحاجة ديه موجودة جوا كل انسان لكن مش بيعرف
يلاقيها



محتاج ديما لحد يدورلو عليها





سهل تلاقى حد تحبه و سهل برضه تلاقى حد تحبه ويحبك



رغم كدة مش بتحس ببهجت



و ديما تنسى الحب ده و الظرف بتموته



زى حبك لابوك و امك





سالت نفسى طاب ليه......!!



لايت انو علشان اللى بيجى بالساهل بيروح بالساهل......





لكن اللى صعب فعلا انك تلاقى حد حاسس بيك و فاهمك



مش لازم تتكلم علشان يعرف مالك



مش لازم يكون شايفك أو سامعك





لو لاقيت الحد ده امسك فيه و اوعى تسيبه



مهما كلفتك المغامرة





كنت فاكر زمان ان السحر سحر العيون و بس



لكن اكتشفت ان فيه سحر تانى اسمه....



بصراحه لسه ما لقيتلوش اسم



ما فيش مانع نسميه اسم النبى حارصه





من كتر كلام الاغانى عن الحب و تناول المشاعر بصوره سازجة



مش بس سخفوا الكلام و معنا



كمان سخخفوا الاحساس نفسه





سألت نفسى اعيش مرتاح ولا اعيش سعيد.....



لكن السؤال اللى بيطرح نفسه يعنى ايه سعيد و يعنى ايه مرتاح؟!





مرتاح يعنى مراتك حلوة و طيبة و أكلها يجنن و مش غاويه نكد



ولادك مؤدبين وشاطرين فى المدرسة



ناجح فى شغلك و ما عندكش مشاكل





سعيد يعنى مرتاح وبتحب مراتك و بيتك



بس عندك شويه مشاكل بس تقدر تتغلب عليها





نرجع لمرجوعنا عن الحب و حكايته



فى النهايه ممكن تكون حياة المرتاح ممله



وممكن تكون سعيدة جدا لو مراته حاسه بيه و فاهماه





بس بلاش اتبتر على حياة المرتاح



ده البتران سكته قطران



طاب و ايه يعنى



ما أنا كدة كدةبشرب 60سيجارة كل يوم



و كل سيجارة فيها 10مج قطران



بالزمة فيه اكتر من كده قطران





آبلت حد اعرفه بقالى كتر بس ماكونتش أعرف أنو جميل بالشكل دة



شخصيه كده من اللى بططلو يطلعو فى المسلسلات





بعد ساعة واحدة من الكلام عمل ديليت لأربع سنيين من الكآبه



روحت حاسس بحاجه جميلة اوى



نفسى احضن الدنيا بدراعاتى





ليه يكون لحلمى حدود ما دام الحلم ببلاش



اعدت اكتب البوست و نمت على نفسى



حلمت حلم جميل أوى



حلم أحلى من الياسمين











صحيت لائيت النور قاطع و أنا لسه مكانى



ماعيش ولا



سيجارة
قطران

 
posted by 3amr at 5:44 AM ¤ Permalink ¤ 0 comments