كل مره آجى اكتب بوست عنها هنا اسيفه درافت
لكن المره ديه والله منا مسيفه درافت
و ادينى حلفت من الاول علشان مطلعش عيل
بس بجد انا مش عارف هكتب ايه
خلليها كده زى ما تيجى
مبدأيا انا حلفت انى مش هنام قبل ما اسمع صوتك
بس مافييش مانع خالص انى يغمى عليا
برضه مش مهم انشلله اموت بعديها حتى
بحد اطيب قبلته فى الدنيا
المره ديه ظهرت الانانيه فى اعرق صورها
كله بسبب سوء التفاهم ابن الكلاب
بكتب سطر و افصل باور و افتكر انى بكتب اقوم اكتب تانى
عارفين يعنى ايه كل ما تنام تحلم بحد فيه حاجة معينة تصحى تلاقيها فيه
يعنى ايه براءة و عفويه
حد ممكن تكون ظاهر قدامه بصورة انت تخجل تظهر بيها قدام نفسك
يعنى ايه حياة ممكن تتعاش منغير
والله العظيم انا ما كنتش متخيل انى ممكن اخاف على حد للدرجادى
او الخوف يأثر عليا بايولوجيا اصلاً
انا عمرى ما قلبى وجعنى عشان خايف
كل واحد فينا أكيد بياخد و يدى مع نفسه فى اى حاجة
بيتمنى لنفسه حاجت و يحلملها احلام
تخيل لما تلاقى بقى اللى اقرب ليك من نفسك ديه
حد مجرد صوته بيطمن قلبك
بجد بجد شكراً يا رب
انا مش عاوز حاجة تانى
يس لو هيجى اليوم اللى هخسر فيه الحد ده او نبعد عن بعض خدنى قبله
خوفى من اليوم ده اكبر من خوف اللى بيشرب سم و هو بيحب الحياة
قلبه ممكن يقف قبل ما يشرب السم اصلاً
ياريت تاخدنى قبل اليوم ده حتى لو هدخل النار
برضه فى حلمى و تفكيرى كنت انانى
اما انا ابن ستين كلب صحيح
يلا غور يا عمرو يا بن الكلب
Labels: Undefind
