المرة ديه حكاية....... و هطول عليكوا
ديما الناس لما بتكتب قصة بتبقى بتدور على النهاية وبما انى واحد من الناس فأنا زيهم لكن المرة ديه انا عندى الحكاية مش مترتبة
و اهم ما فى الموضوع انى مش لاقى البداية
البوست ده زى اى بوس بكتبه مش بحضّرله وكمان بكتبه اون لاين
بتبقى عندى شحنة معينة بكتب على اساسها
..............................................................................................................
لكن المرة ديه انا معنديش اى شحنة
بس قررت اكتب و خلاص اما نشوف ايه اللى هيحصل
افتكر اول مرة اكتأبت فيها بجد كنت فى اولى كلية
كان يوم 28\4\2003
شربت يومها 130 سيجارة
كان يوم صعب عليا اوى
كنت مبطل تدخين من حوالى اربع سنين قبليها
........................................................................................................................
يومها فعلا اتصدمت فى الواقع و شكل الدنيا و الحياة
مش بس كل احلامى اتحطمت يومها دة كمان كل الحجات الحلوة اللى فى حياتى
قعدت على كرسى لمدة اسبوع كنت بعيط و اشرب مية و سجاير قفلت تيليفونى
و الكلمة الوحيدة اللى كنت بقولها كل حين و مين
روح يابنى هاتلى سجاير
................................................................................................
الوحيدة اللى قدرت تخلينى اتكلم هيه شيماء
مش بس كدة ديه خلتنى آكل و اشرب و اضحك وارجع انسان عادى
انا:ما بتكليش ليه يا شيماء
شيماء:شبعت، وانت ما بتكلش ليه
انا:انا كمان شبعت
شيماء:لا انت ما مشبعتش
انا:و انتى اول مرة تكدبى عليا
................................................................................................
فى الغالب لما بتكون عاوز تعيّط بيسبق الموضوع دة خنقة غريبة كدة
فى الحلق و حشرجة فى الصوت
لما بيحصلى كدة بدخل انام بصحى زى الفل
لكن المرة ديه ما حصلش كده الخنقة زادت
شيماء كانت فعلا ذكية مش بس كدة كانت ذكية جدا
لكن ما قدرتش اسامحها علشان ما ادتنيش الفرصة للاختيار
..................................................................................................
يمكن انا ذاكرتى كويسة و ما بنساش
و يمكن فعلا انا قلبى اسود قوى زى ما بيقولوا انا مش عارف
ناس كتير بتقول انى سيئ النية جدا
بس من كتر ما الناس بتقولى ده انا بقيت بفرض حسن النية
علشان انا سيئ النية
لكن عمر ما احساسى خييب ابدا ولا مرة تقريبا على حد ما انا فاكر
عرفت معنى اللون الاسود
.................................................................................................
وانا راكب المشروع كنت ببص فى السما و بسمع مزيكا
كان لون السما جميل اوى و شكل السحاب اجمل
سرحت و فات المكان اللى انا نازل فيه
نزلت عند الكلية و قولت كويس فاضل على الامتحان يومين
وانا معملتش رقم الجلوس
...................................................................................................
لقيت قدامى فى الصف واحدة شعرها اصفر كده
مرضتش ابصلها و قولت البنت اللى بحبها اكيد اجمل
كنت مخلص لدرجة غير عادية
اى ته مربوطة ما كانش ليها مكان فى حياتى
حتى نمرت امى مكانتش على موبايلى
....................................................................................................
فجأة لقيتها هيه اللى كانت واقفه قدامى فى الصف
كنت ما شفتهاش من تلت شهور
سللمت عليها و ابتديت اتكلم
انا:ازيك عاملا ايه
هيه:تمام
انا: ايه الاخبار
هيه: الحمد لله
انا:ايه يا بنتى ما بتجيش ليه
هيه:لا ما انا باجى اهو
انا:لا انتى ما جيتيش من الاسبوع ال 13 و ما بتجيش كل خميس
هيه:ياه دا انت عاددهم
انا:لا عادى بس عاشان صحابى فى اكاديميه و بحسب معاهم الدراسة بالاسبوع
هيه:طاب بعد اذنك بقى
وسحبت ايدها من ايديا برراحه
يلا بينا ايه الترب ده انا كل ده ماسك ايديها
................................................................................................
وقفت على الشباك كان رقم جلوسها ما اخدتوش
كان فيه صورة ليها فى ثانوى
لاحظت ان شعرها ما كانش اصفر
ازاى و انا قوى الملاحظة تفوت عليا ديه
ما اهتمتش الصراحة
كنت اصلا مش قادر اتلم على نفسى
كل الناس اللى فى المكان لاحظو ده
...............................................................................................
بتظهر و تختفى زى الملايكة
دوورت عليها زى المجنون ملقتهاش
معرفش كنت بدور عليها ليه بس ما كنتش مهتم
مشيت فى الشارع خبتطنى عربية
ما اهتمتش برضة
مش عارف اللى انا كنت حاسه ده كان ايه
بس كان احساس جميل اوى
فردت جسمى ساعة فى الارض عند واحد صاحبى جسمى كله بيترعش و فقدت القدرة على النطق
بمبى
...........................................................................................................
36 حبايه الترادول
20 حبايه ايموتول
1/2 علبة بودره صراصير
1 كوب كيروسين
قلم و ورقة
اصل المسنقة كلاسكيةاوى
و كمان مؤلمة جدا
..........................................................................................................
تجرعت الكمية بكل شجاعة و كتبت الوصية
حاولت انزل علشان امت فى الشارع بس رجلييا ما شالتنيش
لاكتر من السرير
الديد لاين لحياتى كان ساعتين لازم انجز فيهم
............................................................................................................
حتى الانتحار فشلت فيه
شكرا يا كمال
انا فعلا ما كنش لازم اموت سعتها
فيه ناس اتكتبلهم كلام فى برقية الوداع
فعلا ما كاموش يستهلوه
.............................................................................................................
مبقاش عندى فعلا اى ثوابت فى حياتى
فقدت القدرة على التمييز
63 يوم بحاسب نفسى على حاجات معملتهاش
من الكمبيوتر للسرير و من السرير للكمبيوتر
شكرا يا محمود
خرجت للحياة
فاتنى كتير
رمادى
...............................................................................................................
كنت بحس انها انسانة فى منتهى التفاهة
كل اللى حبيتهم او فككرت فيهم كانوا اكبر منى
يمكن علشان كل البنات بيتمتعوا بقدر من التفاهة يوزن بلد
يا دوب اللى اكبر مننى هيه اللى ممكن تفهمنى
هيه كانت اصغر منى بس ازاى مش عارف
................................................................................................................
قربت مننى و انا ما كنتش واخد بالى
فضلت تقرب تقرب على فترات متقطعة
انا فعلا ما كنتش واخد بالى
بس اعتقد انى ما كنتش بقررب منها
..............................................................................................................
طلعت على البحر
قعدت علشان اتكلممعاة دوور وشه و مرضاش يرد عليا
مش عوايدك يا بحر
آخرك بتقفش و تقلب وشك
ملقيتش اقرب من البحر بالنسبالى غيرها
كنت مخضوض من عملت البحر ديه
قولت اكلمها اقولها
لكن الوقت كان بدرى
لو كلمتها قولتلها كده هتقولى اقفل يا ابن المجنونة
و مش بعيد انها تهزء اللى جايبنى
.................................................................................................................
الساعة 1:20am حاسس انى هشوفها بس ازاى مش عارف
طلعت اون لاين
قولتلها على عملت البحر الغريبة
وقولت كمان انى كنت ناوى اكلمهااقولها
تفهمت الموقف و قالتلى انت اكيد زعللتوا فى حاجة كبيرة
..................................................................................................................
بقالى كتير قوى كل الناس بتلطش فيا بكل قوة
انا بكره الكرمب
حتى اقرب الناس ليا
ما عدا هيا بس كانت بتطبط عليا
مش هكدب انا حاسس انها بقت بالنسبالى اكتر من حد اعرفه
او حد صحبى او حد بيطبطب عليا
..................................................................................................................
اتكلمت معاها مرة بعديها بقيت مش عارف انا ازاى ممكن اعيش منغيرها
بس سرعان ما فهمت من كلمها انى مش اكتر من حد بتطبطب عليه بعد ما كل الناس لطشطه بكل ما فيها من قوة
رجعت بيتى وشعورت ببهجت يومها
قعدت اكتب لحد ما نمت على نفسى
النور انقطع
نمت على نفسى
صحيت على الواقع
كملت كتابة و قمت
................................................................................................................
مش عارف بقى
بقت الفترة اللى بتكلمهم معاها هما اللى بيدونى طاقة علشان اكمل تانى يوم
بس بتترى لو
................................................................................................................
مرة قولتلها قوليلى نكتة
بس كانت نكتة غريبة
رغم كل اللى عدا عليا كنت انسان بارد
لكن النكتة ديه بعدها لقيت نفسى عمال اعيط
مش عارف ليه
.............................................................................................................................................
شكرا يا بحر
عمرك مره ما جرحتنى
بس برضه انا عمرى ما جرحتك
.............................................................................................................................................
كل الناس بقت بتطبطب عليا
حسييت سعتها انى قطة جربانة و جعانة
و نزلت عليها المطرة
و بتصرخ من البرد و الجوع
انا بكره الطبطبة
و بكرة السجاير
بس بحتاجلها
............................................................................................................................................
انفجرت و تناثرت اشلائى فى كل ناحيه و اتجاه
تقطعت اوصالى و احشائى
حاولت جمعها عدت مرات ولكننى لم استطع
هذا ما ولده الضغط
كنت كقطعت ثلج ارتطتمت بجار صلب
فتناثرت اجزائها على ارض ساخنة
حاولت جاهدا ان اجمعها
و لكنى فقدت بعض الاجزاء
...................................................................................................................
لقيت انى مش بس حظى وحش قوى لا دا انا كمان اى حاجة عاوزها تحصل
مش لازم تحصل مهما توافرت شروط نجاحها
مهما كانت كبيرة او صغيرة
....................................................................................................................
انا دلوقتى انسان فاشل بكل المقاييس
معوقات النجاح ملهاش تطعيم زى شلل الاطفال
الاقنعة كتير اوى و الوانها مبهره اكترمن الوشوش الحقيقيه
جميلة وبراقة علشان كده ما نشوفش غيرها
قررت ابدا من الصفر من مكان ما بدأت
....................................................................................................................
للاسف بعد ما رجعت للصفر لقيت ما ينفعش ارجع لمكان ما بدات
قولت مش مشكلة يا واد
ما انت طول عمرك بتموت فى الصعب
و انت دلوقتى اقوى بكتير
ابدا ولا يهمك
....................................................................................................................
ديما القدر بيبعتلى كلامه فى رسايل
اس ام اس
لكن المر ديه بعد ما اتاكد انى فعلا رجعت وقفتلوا و بقيت اقوا
لقيتوا واقف بيضحك عليا و بيطلعلى لسانة
تروس بتلف على الفاضى
Labels: messages"sms"
