أربع عجلات
فى البداية آسف انى لم اشيد بكلام سقراط او افلاطون....او كارل ماركس مثلا
بس بتكلم عن جملة قابلتنى فى فيلم السلم و التعبان
احمد حلمى قال لهانى سلامة "الدنيا ديه ياد يا حازم ماشية على اربع عجلات
الصحة-الشغل-الاهل-الستر و راحة البال لو عجلة منهم فرقعت
نرجع للاستبن النسوان"
جه واحد صاحبنا كدة و اختلف مع الاخ القدير احمد حلمى و قال الاستبن هوا الصحاب
يعنى الصاحب هوا اللى لو مافيش شغل يظبطك فى شغل
ولو مافييش صحة هيسندك و لو مفيش اهل هيشيلك لحد ما تلاقى بيت يلمك
اما عن الستر و راحة البال عمرك ما هتلاقيهم مع النسوان
احب اقول له انى بعد ما كنت مع رأيه تماما
اكتشفت ان
الاربع عجلات فرقعوا
والاستبن مخروم
