العيد فرحــــــــــة
كل سنة و أنتم طيبين يا جماعه بمناسبة عيد الاضحى و بعوده عليكم الايام بخير.......
كلام بنئوله و بنسمعه على طول........... بس حد يعرف ايه معناه
حد حسه زى ما بيئوله عمال على بططال........؟!!
كلنا أكيد حسينا العيد و احنا صغيرين فى يوم الوءفه و لحنا بنلاعب الخروف و بنزوئوه
بشرايط....... واحنا بنرتب البيت و فى آخر اليوم ناخد دوش ونلبس ترنج الوءفه
أو حتى ابل العيد بتلات ايام واحنا نازلين نجيب هدوم العيد...
حبه بحبه ابتدينا ان العيد مبآش فرحه الفرحة فضلت تئل تئل لحد ما اختفت
اختفت الفرحه بألهل سنين......
ماكدبش عليكم انا ما اهتمتش و ما فكرتش فى الموضوع اصلا ولا حسيت انو يعنينى
اصلا.....!!
المهم..نزلت مره المنشيه و انا راجع لايت الدنيا زحمه جدا من المنشيه لحد آخر ابحر
من النحيتين و ناس بتطبل و بنات بتغنى فى الشوارع
كل النس كانت مبسوطه و فرحانة.....بس انا كنت حاسس انى اهبل مش عارف امثّل و اعمل
فرحان وللا اخلينى زى مأنا......!!
سألت واحد ماشى لوحده فى الشارع :"هى
الناس فرحانه ليه"
رد و آللى:"علشان
مصر كسبت كودفوار"
اعدت اضحك بصراحه و كنت مزهول ........كل ده علشان ماتش كورة.....!!
يمكن كان زهولى ده علشان مابحبش الكورة او كل معلماتى عنها انها مدورة
اليوم ده غير مفهومى للفرحه حسيت ان الناس مفرحيتش علشان ماتش ولا بتاع
النس فرحت علشان قرروا انهم يفرحوا النهارده
رغم كل الظروف ورغم كل حاجه بتكتفهم حسيت سعتها انى فرحان لفرحه الناس طاقه الحب
اللى جواهم أدرت فعلا انها تعبر عنهم.....
اول مره شارع البحر يتعطل ساعتين علشان الناس فرحانه مش علشان موكب الريس أو الامن
المركزى عند نادى القضاة..!
اليوم ده خلانى اسأل نفسى هى الفرحه بتأل كل ما الواحد يكبر ولا ايه هيه الحكاية
ابتديت اسأل اللى اكبر مننى و احاول اعرف احساسهم بالعيد
كل واحد كان رده مختلف عن اللى أبله وااى بعده
بس المجمل أن العيد بيبتدى فرحه وتأل مع الزمن لحد ما توصل لحزن
حزن الراجل الغلبان اللى بيجى عليه العيد مطلوب منه عديه و خروف و هدوم
لعياله....فرحته الوحيده اللى بيشوفها فى عنيين عياله و هما ماسكين البلونات
عمالين يلعبو و يجروا فى كل حته.....!!
سألت نفسى سعتها طاب انا مش راجل كبير ولا عندى عيال ولا نيله ورغم سوء حالتى
الماديه بس الموضوع مش فارق معايا.....
معنديش اى التزمات
طاب ايه المشكلة ما أحاول أفرح يمكن أأدر المرة ديه....!!!!
أولت احاول ارجع لاصول الفرحه عند المسلمين فى العيد بمل ان ده عيد دينى وأنا مسلم
أولت أعمل زى العيد اللى فرحت فيه من تلات سنين لمما أخدت أختى و سافرنا نشوف
ارايبنا
بس افتكرت ان الفرحة اللى كانت اكبر منها هيا فرحتى لما شفت البنت اللى بحبها و
ابتسمت و آليتلى :" صباح الخير"
المهم قررت افرح و خلاص جهزت نفسى و استعديت للفرحه تماما ونمت بدرى علشان اصحى
اصلى العيد و ازور ارايبى .....ببساطه قررت اسرأ الفرحة
اعمل عبيط و اقرر انى أفرح حتى لم ممثّلت على نفسى
للأسف محدش صحانى و صحيت لوحدى على خبر
اعدام صدام
Labels: العيد فرحة
didnt see it comin :s