حاسب و انت بتحلم...
زمان وانا صغير
شفت مسلسل لفؤاد المهندس
- الله يا ماما الراجل المحامى ده بيمشى و هوه نايم
- ده هوه اللى قتل الست
--بس يا حبيبى عاوزة اتفرج على المسلسل
-ماما بصصى يا ماما ده صحى و فارد ايديه ازى زى توم و جيرى
--ما أنا شايفة يا حبيبى اسكت بقى
-ماما ماما ما بصصى ده لبس هدومه
بصصى....
-- ايوه ايوه شايفة
-ماما هوا ممكن حد يحصله كده ولا زى حكايت بطوط لمما نفخ صبعه وكبر
و لما جيت اعمل زريه صباعى ازرق ونفسى اتقطع و انتى شفتينى و ضربتنى بالشبشب
-- لا ده ممكن بجد....
-ماما هوا انا لو كنت كبرت زى بطوط كنتى ضربتنى ولا كنتى هتفرحى
بييا
--ما تسكت بقى يا ابنى زهقتنى فى عيشتى هوا انت عملى الاسود فى
الدنيا
- خلاص مش متفرج على المسلسل
وروحت داخل اعيط فى السرير
ملاقتش حاجه اعبط عليها
فقعدت افكر
"هوا لو الواحد بيمشى و هوا نايم مش كان ممكن يعمل كل اللى هوا
عايزه
يعنى مش ممكن يقتل الواد كريم اللى ضرب سارة النهاردة
او يحل الواجب و هوا مش تعبان يعنى
او ممكن يقعد يرسم و بابا و ماما نايمين
او يرمى كل الشباشب اللى فى البيت فى الشارع من غير
ما حد يحس
زى المحامى بتاع الجريمة الكاملة
ألا صحيح
يعنى ايه جريمة كاملة"
الموضوع كبر معايا شوية
قعدت افكر فيه كتير"الله
ده ممكن يحصل مش زى بطوط و توم و جيرى"
المهم ابتديت اسأل على الموضوع بشدة
لغاية ما جدتى قالتلى حاجة غريبة موز...!!
---ايوه يا ابنى فيه حاجة اسمها كده
تسرح قطة..
-ايه اسرح قطة دية يا نينة
---يعنى تمشى و انت نايم على اربعة و ترق الاكل من الجيران
بلليل....
-ايوه يا نينة بس انا مش عاوز اكل دنا برمى السندوتشات فى المدرسة
همشى و انا نايم علشان اسرق اكل
---والله يابنى ده اللى ان اعرفه
زعلت جدا بصراحة ماكدبش عليكوا
يمكن علشان دة كان اول حلم حلمته بطريقة الكبار و تحطم على صخرة الواقع..!!
كببرت دماغى..
و
انشغلت فى مشكلة سارة....
يعنى.....!!!
حلمت كتير بعديها بس كان كل ما حلمى يبقى خلاص هيتحقق تجى حاجة تبوظ كل حاجة
لغاية لما بقيت اسمع الرسالة ديه و انا على مشارف تحقيق الحلم
"لقد
اوشك حلمك على التحقيق يرجى اعادة الاستعداد للصدمة"
بصوت الست بتاعت موبينيل كمان...
بس
هعمل ايه
لو
يططلنا نحلم نموت...!!
بس
لو عاندنا هتتكسر دمغنا
بينى وبينكوا بططلت اتصدم......
مرت الايام ونسيت كل احلام الطفولة...
ونسيت كمان أحلامى لما كبرت
ودخلت كلية ماكنانش فى احلامى
ومشيت ورا المقولة اللى بتقول"اذا لم تستطع انتفعل ما تحب فحب ما تفعل"
ولاونها مقولة تحرّض على التخازل و الرضا بالامر الواقع
بس
لا بأس
انا فعلا بقيت بحب ما افعل..........
و
ما اخدتش بالى كل ده ان حلمى ابتدى يتحقق
يمكن علشان انشغلت باحداث الواقع الغريبة اللى حوليا
احلامى وانا نايم بقت فى منتهى التهييس
قولت معلش يمكن ده علشان ذاكرتى قوية جدا و بنساش اى حاجة تقريبا
فاكيد الاحلام ديه نتيجة الصراصير اللى بتجرى فى وسط ارشيف الذكريات اللى مليان ورق
قديم و اصفر......!!
بس
الاحلام زادت غرابة
والواقع صراحة بقى اغرب بكتير......
بقى فيه حاجات انا مش فاهملها اسباب
و
حاجات الناس بتجزم انى عملتها و انا مش فاكر الى حاجة....
كنت بجاريهم فى الاول بس شميت ريحه مش هيه فى الموضوع
صحت من النوم من فترة
امى بتقولى
--عجبتك البيتزا
-بيتزا ايه يا ماما ولا شفتها
-انا نمت امبارح فى سريرى و صحيت الساعه واحدة من سريرى ولا شفت
بيتزا ولا حاجة
--يا ابنى انت نمت مكان ابوك و انا صحّيتك تاكل
و تنام تانى ....
-انا........!!!!!!!
--ايوة..
-يمكن
قولت مش ممكن آكل البيتزا بتاعت امى و مافتكرش
على الاقل كان زمان سنانى وجعانى دلوقتى
دية بيتزا لا تصلح لتكون اكتر من مضارب راكت....!!
شكّيت بشدة أن حلمى القديم يكون اتحقق
دلوقتى انا كبرت
و
بقيت محامى
و
عرفت اية هيه الجريمه الكاملة
و
الشبشب الاخضر اختفى من البيت....
يلابينااااااااااااااا....
لقيت ناس بتكلم معاهم اون لاين بيقولولى حاجات انا متأكد انى مقولتهاش و معملتهاش
ناس انا متخانق معاهم من زمان رجعوا يكلمونى فجأة
و
بيقولوا انى صالحهم....!!
الشك قرّب جدا من اليقين
لكن لسه مبقاش يقين...!!
قررت اعمل سيف لكل الكونفيرسيشنز
و
افتحها تانى يوم
بلاقى فيها كلام غريب بس طريقتى فى الكلام
بس
ازاى انا بييح لنفسى كدة
طاب ده كدة ممكن اى حد يأرارنى على اى حاجة
يلا بيناااااااااا
المهم اتأكدت انى بمشى وانا نايم
كل
يوم اصحى الاقى نفسى نايم على الكنبة فى الصالة
لكن اشطة
كل
التصرفات اللى بعملها صحية جدا و فى مصلحتى تماما
لكن المصيبة ان الحلم يتحقق كله
بالجريمة الكاملة...!!
حــــــــــــــــــــــــــــاسب وأنت بتحلم علشان احلامك...... ممكن تتحقق!
Labels: tc
