احلم..... احلم و خلى سقف احلامك عالى
مد لحافك على أد رجليك
حتى لو ما جاش على أد رجليك
محدش بيموت من البرد
المهم انو يكون لحافك أنت
ما يكُنش لحاف حد تانى
أصدى حلمك انت مش حلم حد تانى
..........
احلم بس خللى نَفَسكْ طويل
الإنسان بيموت لو مدخلش جسمه اكسجين ست دقايق
لكن فيه ناس بتموت بعد دقيقة و نص
عارف ليه؟
علشان نفسها اصير
اول ما يتمنع عنها الاكسجين بتخاف
ممكن كمان تموت لو اخدت اكتر من اللازم اكسجين
اخدت اكتر من اللى بتحلم بيه
................
يا عم ركز معايا و سييبك من اللب اللى بتئزئزه ده
اللى بيسلليك مبيعملش إلا انه يّضيّع وقتك
خَرَجنا من الموضوع
شفت اهو انا كمان مكنتش مركز
................
ااشطرنج ده اللغة الموحدة ما بين كل الالسن
ممكن تتكلمها مكان ما كنت
اوعى تتسلى على القطع و تنسى انك
لازم تموت الملك عشان تكسب
لو فضلت تتسلى ممكن اللى أدامك يكون بيتكلم جد
و يموت الملك بتاعك
بس ما تنساش ان العسكرى اهم قطعة فى جيشك
الانسان هو الوحدة الاساسية فى الدنيا ديه
مهما كان حجمه وشكله
................................
يلا ولا يهمك كله بيطلع فى الغسيل
المهم لما تحلم حققك حلمك انت علشان تأدر تعيش مبسوط
و اوعى تحقيقك لاحلام غيرك ينسييك حلمك انت
مخلاص بأه يا عمنا سمعنا الكلام ده بدل المره مليون و متين الف و كل مره بنستحمل و نصبر عشان نحقق الحلم و كل ما نقع ، نقوم ، و نضحك على نفسنا و نقول الضربه التى لا تكسرنى تقوينى
مع انها ولا بتقوينى ولا نيله ده كلو كلام بنغطى بيه فشلنا و خيبتنا عشان نفتكر قال ايه !! لسه الجيم مخلصش و لسه فيه فرصه و لسه العمر قدامنا طويل .. مع ان الجيم خالص من زماااااااان و اللى نفسه طويل بأه يتفضل يورينا