بقالى كتير ببتدى كلامى بتقريبا وشكلى و شكلها كده...............................و تقريبا
مش عارف ليه صراحة
مبقاش اى حاجة بحاول اعملها بتحصل
ولا اى عاوزها تجيلى
مهما فككرت و نفذت و عملت زى ما الكتاب بيقول
مهو مش معقول حيقول حاجة غلط.......بس
نعمل ايه بقى لو الكتاب غلط و لو غلطة مطبعية
مهوا ما فيش كتاب مبيغلطش غير كتاب ربنا
طاب نعمل ايه بقى لو حاولنا نصفر عدادنا و نبتدى منه
و لاقينا كل حاجة مش عاوزة تمشى على اى نظام
و تستغرب هيه مش ماشيه ليه ما هى كانت ماشية كده
تقوم قايل و الله ما انا عامل حاجة و لا عاوز حاجه
تكتشف ان كله بيجى على دماغ ابوك
علشان انت بقيت فى زمن ما حدش هيشيلك فيه الا رجلك
و ما تبكيش عليك غير عينك
تقوم تقف على رجلك و هيه لسة تعبانه من الركنة
يدوب لسة ما بقتش فى الفرمه
تلاقى اللى حواليك اللى انت اتاكدت انهم مش ممكن يشيلوك
كل واحد فيهم ضربك عليها بسكّينة واللى بيغوز و اللى بيهوش
و اللى بيضربك و يعمل مش واخد بالك و اللى جرح و عمل بيهزر
و نشرو الاعلان ملو الجرنان
و التلفيزون بالصوت و اللون كوكولا هيه الاصلية
اشرب ياخفيف بطل تخاريف بلا .... الطور بلا وطنية
كوكولا تفوق و تروق ضد الافكار الهدامة
طاب ليه بيحصل كده
و تروح بيتك تربط رجليك
و تنزل تانى يوم بتزك و تصرخ يا جماعه حاسبو رجليا يا جماعه
هيه ديه اللى شايلانى منغيرها مش هيبقالى لزمه بالنسبالكم
ولا حد سائل فيك
لغايه ما تقع تانى على الارض مكسح
ما غندكش امل تقوم تانى
و بتقول لنفسك يا ترى لما اقوم تانى هلاقى الدنيا بقت غابة قد ايه
و الله ما انا عارف ايه التهيس اللى بقوله ده
الرؤية محجوبه تماما
و الشبورة جامد قوى
و الظاهر كده هتقلب بغم
